“LOQOS” Psixoloji və Nitq İnkişaf Mərkəzi Uşaq Onkoloji Klinikasının qonağı oldu
Oktyabrın 19-da Milli Onkolologiya Mərkəzinin Uşaq Onkoloji Klinikasında “LOQOS” Psixoloji və Nitq İnkişaf Mərkəzi onkoloji xəstə uşaqlar üçün əyləncəli tədbir keçirib. Təbəssüm bəxş edən klounlar, müxtəlif şirniyyatlar və hədiyyələr uşaqların əhvalını yüksəldərək tədbirə rəng qatıb. Tədbirdən sonra Mərkəzin psixoloqları uşaq klinikasında çalışan həkimlərlə , xəstə uşaqlarla və onların valideynləri ilə yaxından tanış oldu, öz mərkəzləri haqqında onları məlumatlandırdı.
“LOQOS” Psixoloji və Nitq İnkişaf Mərkəzinin Uşaq Onkoloji Klinikası ilə əməkdaşlığının əsas amalı onkoloji xəstə uşaqlara psixoloji və mənəvi dəstək verməkdir. Psixoloqlar xəstə uşaqlarla və onların valideynləri ilə mütəmadə görüş (seans) keçirməyi planlaşdırıblar.