Qadın sağlamlıq şöbəsi (şişönü xəstəliklərin diaqnostikası və müalicəsi)





Şöbə 2009-cu ildə akademik C.Ə.Əliyevin təşəbbüsü əsasında yaradılmışdır. Şöbə süd vəzisi və qadın cinsiyyət orqanlarının xərçəngönü xəstəliklərin müalicəsi və diaqnostikası üçün ixtisaslaşmışdır. Şöbədə yüksək peşəkarlığa malik ixtisaslaşmış həkimlər çalışır. Şöbədə xərçəngönü xəstəliklərin müalicə və diaqnostikası dünya standartlarına uyğun qaydada həyata keçirilir.

Bizim şöbədə xəstələr kompleks diaqnostik müayinələrdən keçir-bunlar insturmental və laborator müayinələr, mammoqrafiya və ultrasəs müayinəsidir. Xərçəng şübhəsi  olduqda, diaqnoz  mütləq histoloji müayinə ilə dəqiqləşdirilir. Vaxtında aparılmış  kompleks müayinə nəticəsində  süd vəzilərində və qadın cinsiyyət orqanlarında olan patoloji prosesi ilkin mərhələdə aşkarlamaq mümkündür   və bu, müalicəni uğurla aparılmasına imkan verir.

Şöbə aparıcı xarici klinikalar ilə sıx əməkdaşlıq aparır. Süd vəzilərin şişönü xəstəliklərinin  əsas müalicə və diaqnostika prinsipləri : ultrasəs müayinəsi , digital mammografiya -40 yaşdan yuxarı butun qadınlara və göstəriş üzrə daha cavan yaşlarda  aparılır , ultrasəs və mammoqrafiya altında süd vəzilərin tru-cut biopsiya və punksion biopsiyaları , mastit  və laktostazın müalicəsi, kista və fibroadenomaların cərrahi yolla müalicəsi  yüksək müasir tipli avadanlıqlarla  təchiz olunmuş stasionarda aparılır.

Şöbədə ambulator şəraitdə histeroskopiya, histerorezeksiyalar, uşaqlıq boynunun elektroeksiziyası, uşaqlıq boşluğunun küretajı, kolposkopiya, PAPsmear və uşaqlıq boynu biopsiyaları uğurla aparılır. Şöbədə endokrinoloq,  fizioterapevt, dermatoloq və stomatoloji kabinet fəaliyyət göstərir.

Şöbənin əməkdaşları aparıcı xarici tibbi mərkəzlərdə iş təcrübəsi toplamış yüksək ixtisaslaşmış mütəxəssislərdir. Mütəxəssislərin ixtisaslaşdırılması və aparıcı klinikaların elmi praktiki yenilikləri ilə daimi mübadiləsi istənilən çətinlik dərəcəli müasir dərman terapiyasının şöbədə aparılmasına imkan verir.